Мінчанка паскардзілася на занадта вялікі выбарчы ўчастак. Чыноўнікі толькі развялі рукамі
Чытачка «Нашай Нівы» Любоў звярнулася ў Мінгарвыканкам з заявай аб парушэннях падчас фарміравання ўчасткаў для галасавання на рэферэндуме. Згодна з артыкула 17 Выбарчага кодэкса, участкі не павінны быць большыя за 3000 выбаршчыкаў. «У мой участак уваходзіць комплекс «Маяк Мінска», у адным ім пабудавана 5220 кватэр», — абураецца жанчына. Чыноўнікі, да якіх яна звярнулася, толькі разводзяць рукамі.
«Чыноўнікі Першамайскага раёна Мінска падпісалі рашэнне, якім стварылі ўчастак для галасавання № 39, у які ўключылі жыхароў кварталаў «Магістр» і «Маяк Мінска», гэта 41 дом, — расказвае жанчына. — На адным толькі «Маяку» пабудавана каля 5220 кватэр, у якіх жыхары ўжо пражываюць і большасць з іх там зарэгістравана і маюць права голасу. А на ўчастак дадалі яшчэ і 7 дамоў «Магістра». Я лічу, што стварэнне такога участка — гэта непрафесіяналізм супрацоўнікаў Першамайскага раёна Мінска».
Любоў напісала зварот у Мінгарвыканкам, а таксама патэлефанавала ў адміністрацыю Першамайскага раёна і ў Цэнтральную выбарчую камісію, каб паведаміць пра парушэнне.
«Паўнамоцтваў абмяркоўваць гэта ў мяне няма. Не магу даць каментар вам па гэтым пытанні. Я так разумею, што гэтае рашэнне Аадміністрацыі. Я не маю права яго адмяніць ці абмяркоўваць. Размова ні пра што», — адказаў ёй кіраўнік спраў адміністрацыі Першамайскага раёна Аляксей Ванкевіч.
А вось што адказалі мінчанцы на гарачай лініі Цэнтрвыбаркама:
«А на падставе чаго вы вырашылі, што колькасць жыхароў не адпавядаюць заканадаўству? Я думаю, што ўдакладніць колькасць удзельнікаў рэферэндуму на кожным участку можна ў Адміністрацыі Першамайскага раёна. Мне здаецца, што вы крыху блытаеце. У нас грамадзяне галасуюць па месцы рэгістрацыі. Калі чалавек там пражывае, гэта не значыць, што ён там зарэгістраваны. Зрабіць высновы ні вы, ні я аб колькасці зарэгістраваных удзельнікаў на рэферэндум не можам. Па гэтым пытанні вы можаце звярнуцца ў Адміністрацыю Першамайскага раёна. Вы не можаце сцвярджаць аб колькасці. Калі ўчастак сфарміраваны, — значыць колькасць была праверана. Давайце я яшчэ ўдакладню інфармацыю для вас. Таксама вы можаце напісаць электронны зварот».
Па афіцыйных дадзеных ЦВК, усяго па краіне сфарміравана 5510 участкаў. У горадзе Мінску — 692, у Мінскай вобласці — 929, Магілёўскай — 707, Гродзенскай — 608, Гомельскай — 977, Віцебскай — 714, Брэсцкай — 883.
Між тым, спісы членаў участковых камісій дагэтуль не вывесілі, хоць абяцалі гэта зрабіць да 11 лютага.
Чытайце таксама:
«Патрэбная характарыстыка». Чытачка высветліла, як стаць дружыннікам ці выступіць на канцэрце да рэферэндуму
Улады вырашылі не публікаваць спіс тых, хто будзе лічыць галасы на рэферэндуме?
«Набліжаныя адчуваюць любоў не да канкрэтнай асобы, а да пасады». Прафесар псіхалогіі Уладзімір Янчук аб цяперашнім стане ўлады і грамадства
Цяпер чытаюць
Пальчыс заклікаў не перапісваць гісторыю 2020 года: Не шукайце лжывых версій мінулага29
Пальчыс заклікаў не перапісваць гісторыю 2020 года: Не шукайце лжывых версій мінулага
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары