«Іх будуць забіваць з кожнага акна ў кожным з украінскіх гарадоў». Міністр абароны Украіны звярнуўся да расійскіх маці
Міністр абароны Украіны звярнуўся з адмысловым зваротам да расійскага народа, а асабліва да расійскіх жанчын.
«Хачу звярнуцца да жыхароў Расійскай Федэрацыі. Асабліва — да жонак, маці, сябровак расійскіх салдат і афіцэраў.
За некалькі дзён інтэрвенцыі ва Украіну будзе знішчана столькі ж расійскіх вайскоўцаў, колькі за дзве чачэнскія войны. Тысячы. Тысячы.
Кіраўнік Расіі стаў забойцам. Забойцам не толькі ўкраінцаў, але і расіян. Мы ведаем, што цяпер у войска ва ўсёй Расіі тэрмінова забіраюць зусім хлапчукоў. Што рыхтуюцца перакінуць прызыўнікоў без мінімальных баявых навыкаў. Што кантрактнікам не распавядаюць, куды яны накіроўваюцца насамрэч. І што іх чакае.
Схавайце сваіх блізкіх, калі яны вам дарагія.
Не адпраўляйце іх на немінучую смерць! Іх будуць забіваць з кожнага акна ў кожным з украінскіх гарадоў. Выходзьце на вуліцы. Патрабуйце спыніць вайну.
Патрабуйце вывесці расійскую армію з Украіны. Не бойцеся! Праўда на вашым баку. Цяпер вы ўсё яшчэ можаце змяніць, каб не шкадаваць потым».
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць1
Каментары