Валерыя Гергіева звольнілі з пасады галоўнага дырыжора Мюнхенскага аркестра. Ён не асудзіў вайну
Мэрыя Мюнхена абвясціла аб скасаванні кантракта з музыкам Валерыем Гергіевым, які займаў пасаду галоўнага дырыжора Мюнхенскага філарманічнага аркестра. Пра гэта гаворыцца ў паведамленні на сайце мэрыі.

Па словах мэра Дзітэра Райтэра, Гергіеў не адгукнуўся на просьбу «выразна і недвухсэнсоўна дыстанцыявацца ад жорсткай агрэсіўнай вайны», якую пачала Расія ва Украіне.
Гергіеў быў галоўным дырыжорам Мюнхенскага філарманічнага аркестра з 2015 года.
Кіеў з'яўляецца горадам-пабрацімам Мюнхена.
Дырыжор — прыхільнік Пуціна. Пасля расійскага ўварвання ва Украіну некалькі замежных арганізацый, у тым ліку міланскі тэатр «Ла-Скала», запатрабавалі ад музыкі публічна асудзіць вайну для працягу супрацоўніцтва.
«Карнэгі-хол» замяніў Гергіева на канцэртах Венскага філарманічнага аркестра. Ад супрацоўніцтва з дырыжорам адмовіўся і яго менеджар.
Гергіеў вайну ва Украіне пакуль не каментаваў.
Абноўлена. Таксама стала вядома, што Баварская дзяржаўная опера спыняе супрацоўніцтва з Гергіевым і опернай зоркай з Расіі Ганнай Нятрэбка, паведамляе РІА НАВІНЫ.
«Дараваць такое нам немагчыма». Вядомыя людзі Расіі пра напад Расіі на Украіну
-
Прэм'ер Літвы: Санкцыі супраць Расіі і Беларусі павінны быць хаця б рэгіянальнымі, нацыянальныя без толку
-
Гламурны космас. Джэф Безас адпраўляе сёння ў космас сваю нявесту і яшчэ пяць жанчын
-
Кыргызстан уручыў ноту пратэсту расійскаму паслу пасля аблавы і жорсткага збіцця сваіх грамадзян у маскоўскай лазні

Каментары