Большасць украінцаў верыць у паразу расійскай арміі ў найбліжэйшыя тыдні
92% украінцаў лічаць, што Украіна зможа адбіць напад Расіі. Толькі 6% не вераць у гэта. Пра гэта сведчаць вынікі апытання сацыялагічнай групы Рейтынг, праведзенага 8-9 сакавіка.
«57% лічаць, што Украіна зможа перамагчы ў вайне з Расіяй ужо ў найбліжэйшыя тыдні: 18% думаюць, што ўкраінцы перамогуць за тыдзень, 39% — за некалькі тыдняў», — адзначаюць сацыёлагі.
Яшчэ 18% апытаных лічаць, што вайна будзе трываць некалькі месяцаў, 9% думаюць, што вайна скончыцца за паўгады-год альбо пазней.
«Тых, хто зусім не верыць у перамогу, амаль няма. 16% не змаглі адказаць на гэтае пытанне», — кажуць сацыёлагі.
Найбольшы аптымізм датычна перамогі выказваюць жыхары заходніх рэгіёнаў, але паўсюль пераважае думка, што вайна не будзе трываць доўга.
Апытанне праводзілася сярод 1200 рэспандэнтаў з усіх рэгіёнаў Украіны, акрамя акупаванага Крыма і непадкантрольных тэрыторый Данбаса.
Каментары