Украінскія хакеры ўзламалі больш за 30 сайтаў дзяржаўных устаноў РБ, выдаліўшы 80 тэрабайт дакументаў
Украінскія хакеры ўзламалі больш за 30 сайтаў дзяржаўных устаноў РБ, уключаючы БелДІСС, Дзяржстандарта і выдалілі больш за 80 тэрабайт дакументаў.
Тэлеграм-канал Антона Матолькі сцвярджае, што ўчорашнія праблемы з доступам да сайтаў — узлом, арганізаваны ўкраінскімі хакерамі «BanderaHackers». Паведамляецца, што ім ўдалося атрымаць доступ да ўнутранай сеткі і кантроль над усімі ключавымі вузламі, дзяржрэестрамі і камп’ютарамі.
Былі ўзламаныя сайты: БелДІСС, Дзяржстандарта, ДСКП, завода «Эталон», СТБ і яшчэ больш за 30 старонак.
Інфраструктура і базы даных БелДІСС і Дзяржстандарта знішчаныя, выдаленыя больш як 80 ТБ стандартаў, сертыфікатаў, актаў, даследаванняў, прававой дакументацыі. Выкрадзеныя персанальныя звесткі, паролі да ўліковых запісаў, унутраная праектная дакументацыя і закрытае ПЗ.
Калі вы працуеце на прадпрыемствах, чые сайты і ўнутраныя дакументы былі ўзламаныя, напішыце нам у @nasa_niva_bot.
Каментары