Прэм'ер-міністр Польшчы Матэвуш Маравецкі у інтэрв'ю CNN заявіў, што, на яго думку, расійскія войскі «дастаткова хутка» паспрабуюць захапіць траціну тэрыторыі Украіны, і што Масква будзе выкарыстоўваць гэта для ўзмацнення сваёй пазіцыі на перамовах.
«Я бачу перагрупоўку, рэарганізацыю расійскіх войскаў. Я думаю, што яны хутка паспрабуюць акружыць украінскія сілы, у прыватнасці на Данбасе. А потым, захапіўшы траціну зямлі ва Украіне, яны захочуць весці перамовы з гэтай вельмі моцнай пазіцыі», — сказаў Маравецкі.
Прэм'ер Польшчы падкрэсліў, што саюзнікам Украіны неабходна працягваць уводзіць «зруйнавальны набор санкцый».
«Масква баіцца доўгатэрміновых санкцый. Мы выступаем за канфіскацыю іх актываў і робім усё магчымае, каб спыніць купляць расійскія нафту і газ», — заявіў ён.
Нягледзячы на тое, што заходнія саюзнікі ўжо ўвялі жорсткія санкцыі, прэм'ер-міністр Польшчы папярэдзіў, што цана расійскага рубля застаецца ў асноўным стабільнай і гэта з'яўляецца доказам таго, што
«на дадзены момант Пуцін і яго асяроддзе змаглі змяніць фіскальную палітыку, грашова-крэдытную палітыку, фінансавую палітыку такім чынам, каб яны былі ў пэўнай ступені неўспрымальныя да санкцый… прынамсі на працягу наступных некалькіх месяцаў».
«Цягам наступных тыдняў і наступных некалькіх месяцаў Расія гатовая да гэтай вайны.
Я не ўпэўнены, што Захад ці Злучаныя Штаты, Еўрапейскі Саюз і НАТА так падрыхтаваныя. … Наша грамадскае меркаванне стоміцца ад гэтай вайны», — сказаў Маравецкі.
Ён таксама папярэдзіў, што пакуль «украінцы ваююць з ільвінымі сэрцамі», Захаду неабходна тэрмінова павялічыць пастаўкі зброі ў краіну, звярнуўшыся да Злучаных Штатаў з прамым заклікам дзейнічаць хутка.
Цяпер чытаюць
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»19
Каментары