Трох туркменаў, якія атруціліся ў Лідзе паганкамі, удалося адкачаць
Амаль два тыдні дактары Лідскай цэнтральнай раённай бальніцы, а пасля і бальніцы хуткай медыцынскай дапамогі ў Гродне змагаліся за жыццё трох грамадзян Туркменістана. Мужчыны атруціліся бледнай паганкай, піша «ТРК Гродна».
Туркмены прыехалі ў Беларусь на заробкі і працавалі на будаўніцтве ў Лідзе. 18 жніўня яны паелі грыбоў, а ўжо на наступную раніцу апынуліся ў бальніцы. 21 жніўня пацыентаў перавезлі ў Гродна.
Усе трое былі ў цяжкім стане. Двух пацыентаў змясцілі ў рэанімацыю, яшчэ аднаго — у таксікалагічнае аддзяленне. Медыкі зрабілі ўсё магчымае, каб выратаваць іх. Медыцынская дапамога аказвалася бясплатна, бо ў Беларусі грамадзянам краін СНД экстранная дапамога аказваецца без аплаты.
Цяпер стан усіх пацярпелых добры, іх ужо выпісалі з бальніцы. Пасля гэтага выпадку грамадзяне Туркменістана кажуць, што больш ніколі не будуць есці грыбы, і дзякуюць медыкам, якія літаральна выратавалі ім жыццё.
Цяпер чытаюць
Дзе працуюць і як выглядаюць жонкі топ-чыноўнікаў?14
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары