«БелТонМедыя» зарэгістравала новую інтэрнэт‑краму. На беларускамоўным сайце prastora.by ужо зараз можна замовіць кнігі, музычныя дыскі, аўдыёкнігі, відэа ды іншыя беларускія тавары.
На гэты момант там прадстаўлена прадукцыя выдавецтваў «Логвінаў», «Колас», «Beltonmedia» і іншых, размешчана больш за сотню найменняў кніг і пяць дзесяткаў дыскаў з аўдыёкнігамі і музыкай. Тавары можна замовіць поштай і атрымаць цягам некалькіх дзён.
«Мы хочам разам пашыраць беларускую прастору, — адзначыў стваральнік інтэрнэт‑крамы, дырэктар «БелТонМедыя» Алесь Калоша. — Мы збіраемся далей працаваць над сайтам і будзем рады, калі карыстальнікі выкажуць нам сваю крытыку і парады. Пашырайма беларускую прастору разам!»
Дарэчы, лагатып для інтэрнэт крамы намаляваў мастак Уладзімір Цэслер.
Каментары