На Палессі забаранілі наведваць лясы там, дзе былі лагеры расійскіх вайскоўцаў
Міністэрства лясной гаспадаркі забараніла наведванне лясоў на поўдні Гомельскай вобласці. Пад забарону трапілі лясы Брагінскага, Нараўлянскага, Мазырскага і Хойніцкага раёнаў. Менавіта там, як паведамлялася, былі лягеры расейскіх вайскоўцаў, піша Радыё Свабода.
«Насцярожвае, што цяпер па Нароўлі ходзяць вайскоўцы. Незразумела, беларусы яны ці расіяне, бо менавіта гэтыя не маюць ніякіх знакаў адрознення. Ездзяць грузавыя аўтамабілі без нумароў, але са знакам V на іх», — расказаў Свабодзе мясцовы жыхар.
Ён дадаў, што цяпер у лясах Нараўлянскага раёна сітуацыя «жахлівая проста».
«Там было шмат часовых пляцовак для размяшчэння расійскіх вайскоўцаў. Цяпер робіцца зразумелым, што яны менавіта адтуль ракеты і запускалі. Відаць, дзе стаялі ракетныя ўстаноўкі, бо па слядах стаяў аўтамабіль, там і зямля выпаленая. І яны, расіяне, пакідалі ўсё пасля сябе. Кацялкі, каскі, пральныя парашкі — мяхамі. Не зразумела, чаму, але яны закопвалі тушонку, а часам закідалі галінкамі.
Пакідалі і скрынкі ад зброі, боепрыпасаў. Знаходзілі людзі і патроны, і снарады для сістэмы «Град». Замінавана шмат чаго было. Беларускія сапёры абясшкоджваюць цяпер тыя мясціны, якія расіяне замінавалі. Цяпер іхнія міны ўзрываюць на месцы. Паставілі там ужо нашы пасты і зрабілі штучныя перашкоды для транспарту. Машыны ўсе спрэс правяраюць», — расказаў жыхар райцэнтра.
Раней стала вядома, што ў Нараўлянскім раёне на міне падарваліся супрацоўнікі КДБ.
Раней маці аднаго з беларускіх кантрактнікаў паведамляла, што частку Слонімскай механізаванай брыгады перавялі пад Брагін. Там яны разбілі лагер, паставілі палявую кухню.
Некалькі крыніц Свабоды паведамілі, што шмат беларускіх вайскоўцаў цяпер знаходзяцца ў Нароўлі, пад Брагінам і ў Хойніках.
Чытайце таксама:
Два афіцэры КДБ падарваліся на расійскай міне ў Гомельскай вобласці
«У клубе «вызваліцелі» пачалі пагражаць баявой гранатай». Як прыход расійскіх вайскоўцаў адбіўся на Мазыры
«Спачатку былі вясёлыя, а цяпер упалі духам». Беларусы пра тое, як сябе паводзяць і пра што гавораць расійскія вайскоўцы ў гарадах
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары