Зачыстка незалежных прафсаюзаў: прайшлі ператрусы ў офісах і на кватэрах актывістаў
Прайшлі ператрусы ў офісе Беларускага кангрэса дэмакратычных прафсаюзаў на вуліцы Серафімовіча ў Мінску, а таксама ў кватэрах кіраўнікоў БКДП Аляксандра Ярашука і Сяргея Антусевіча, паведамляе Радыё Свабода.
На дадзены момант невядома, дзе і ў якім статусе знаходзяцца Ярашук і Антусевіч.
Таксама быў ператрус у кватэры супрацоўніцы офіса БКДП, пасля чаго яе павезлі на допыт.
БКДП аб‘ядноўвае Беларускі незалежны прафсаюз (БНП), Свабодны прафсаюз беларускі (СПБ), Свабодны прафсаюз металістаў (СПМ) і Беларускі прафсаюз работнікаў радыёэлектроннай прамысловасці (РЭП).
Агулам яны аб’ядноўваюць каля 12 тысяч чалавек.
Раней 19 красавіка ў праваабаронцаў з'явілася інфармацыя пра ператрус у офісе Свабоднага прафсаюза металістаў на вуліцы Аранскай у Мінску. Яго праводзілі каля 10 чалавек у балаклавах.
Таксама ператрус сёння дакладна адбыўся на офісе прафсаюза РЭП. Пра яго падрабязна расказаў кіраўнік партыі «Беларуская сацыял-дэмакратычная Грамада» і былы кандыдат у прэзідэнты Сяргей Чэрачань, які там выпадкова апынуўся.
Не абышла гэтая хваля і рэгіёны. Пакуль што вядома, што ператрусы былі ў старшыні Свабоднага прафсаюза беларускага (СПБ) Мікалая Шараха ў Полацку. Спачатку сілавікі прыйшлі да яго дадому, а затым — адправіліся да кватэры дачкі прафсаюзнага лідара. У выніку Мікола Шарах затрыманы.
Чытайце таксама:
«Спачатку паставілі тварам да сцяны, потым дазволілі прысесці». Сяргей Чэрачань расказаў, як праходзіў ператрус у офісе прафсаюза РЭП
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта5
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары