Для пахавання дэзерціра Чэчкі беларускія ўлады выбралі могілкі ваяроў польска-савецкай вайны
Яго апошнім прытулкам сталі вайсковыя могілкі ў Даўгінаве.
Польскага дэзерціра Эміля Чэчку, якога прапаганда выкарыстоўвала для распаўсюджвання інфармацыі пра тое, што нібыта польскія вайскоўцы забівалі нелегальных мігрантаў, што прыходзілі з Беларусі, 17 сакавіка знайшлі павешаным у Мінску.
Пахавалі яго на польскіх вайсковых могілках у Даўгінаве.
«Як бы там што ні было, ці гэта нармальна — хаваць дэзерціра побач з жаўнерамі, якія ў 1920 годзе палеглі ў баях з бальшавікамі? Вайсковыя могілкі — гэта ўсё ж вайсковыя могілкі», — пытаецца адзін з беларусаў у Інстаграме.
«Ох. Можна пісаць аднаактную п'есу пра дыялогі Чэчкі з польскімі жаўнерамі з 1920-га», — піша іншы.
А дзе было адпаведнае месца для пахавання Эміля Чэчкі?
«На могілках. Але не на вайсковых, бо ён парушыў вайсковую прысягу і не мусіць ляжаць побач з загінулымі ў баях жаўнерамі», — мяркуе яшчэ адзін чалавек.
«Гэта прыдумалі спецыяльна, каб дадаткова прынізіць палякаў. Прынамсі, так ім здаецца, што прынізілі», — мяркуе яшчэ адзін чалавек.
«Сваякі не выйшлі [на сувязь]. Звязацца з маці не ўдалося, яе лёс цяпер невядомы, будзем удакладняць інфармацыю. Пахаванне арганізуе наша арганізацыя», — расказаў журналісту Zerkalo.io Дзмітрый Белякоў, дырэктар структуры «Cістэмная праваабарона», якая называе сябе праваабарончай.
У сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр3
Каментары