Лукашысцкі рэжым не можа пахваліцца ні эканамічнымі, ні культурнымі дасягненнямі, не мае і праекта будучыні. Мегалакульт Вялікай Айчыннай пакліканы адцягнуць увагу людзей ад той ідэйнай пустэчы, сярод якой яны жывуць, піша Васіль Гарбацюк.
Сёння — Дзень Перамогі. Свята, сапраўдны сэнс якога сказіла дыктатура.
На 28-м годзе кіравання Аляксандра Лукашэнкі ў Беларусі распачалі справу аб генацыдзе беларускага народа. 27 гадоў генацыд не турбаваў, але як толькі Еўропа ўступілася за рэпрэсаваных беларусаў, выцягнулі генацыд. І ўжо не нацысты вінаватыя ў тым генацыдзе, ужо цэлы Захад, уся Еўропа! Брытанцы ўжо вінаватыя ў генацыдзе і амерыканцы. Ну а палякі, украінцы, літоўцы і латышы то годзе й казаць.
Пуцін замахнуўся ліквідаваць Украіну як дзяржаву, расчляніць на вобласці (а за імі прыйшла б чарга і беларусаў, таксама ж народ «імя Леніна», у яго тэрміналогіі), і лукашэнкаўцы дысцыплінавана пастроіліся на баку агрэсара ў новай крывавай імперыялістычнай вайне, рыхтык сатэліты гітлераўскай Германіі на баку Рэйха. І «ўрокі прошлого» не перашкодзілі «роўна ў чатыры часа» ўдарыць ракетамі па Кіеве.
28 гадоў кіруе Беларуссю Аляксандр Лукашэнка, і чым ён можа пахваліцца? Краіна — адна з найбяднейшых у Еўропе, палітычны рэжым набыў фашысцкі характар, мы самая несвабодная краіна кантыненту, з культурай і мовай — катастрофа. Рэжым не мае і праекта будучыні. Затое 77 гадоў назад «мы» — хоць насамрэч не вы — перамаглі. Далёкая перамога выкарыстоўваецца для апраўдання ўсяго таго, сярод чаго мы жывём. І для апраўдання нянавісці да іншых народаў, што самае страшнае.
Мегалакульт Вялікай Айчыннай пакліканы адцягнуць увагу людзей ад той ідэйнай пустэчы, сярод якой яны жывуць.
-
Літоўскі блогер паскардзіўся, што «Наша Ніва» няправільна пераказала яго дыялог са Спарышам. Камісія па этыцы стала на бок «НН»
-
Статкевіч: У 1917 годзе прынцып «Война до победного канца» ўжо прывёў Расію да нацыянальнай катастрофы
-
«Людзі бачылі, што разбіраюць не дрэва, а парахно». Каталіцкі актывіст заступіўся за навагрудскіх манашак
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары