Мінгандлю праверыла сетку крам «Святлафор» і ўсюды знайшло парушэнні
Міністэрства антыманапольнага рэгулявання і гандлю Беларусі (МАРГ) правяло кантрольна-аналітычныя мерапрыемствы ў крамах сеткі жорсткіх дыскаўнтараў «Святлафор». Праверкі былі арганізаваныя пасля зваротаў грамадзян, у тым ліку атрыманых праз інтэрнэт.
У ведамстве паведамілі, што парушэнні знайшлі ва ўсіх правераных гандлёвых аб'ектах.
Найбольш распаўсюджанымі парушэннямі сталі адсутнасць абавязковага асартыменту тавараў, адсутнасць цэннікаў або неабходнай інфармацыі пра прадукцыю. Акрамя таго, у продажы знаходзілі тавары з пратэрмінаваным тэрмінам прыдатнасці.
Так, у краме ў Іванаве Брэсцкай вобласці з продажу знялі тры віды мясной прадукцыі агульнай масай больш за 94 кілаграмы і коштам звыш 760 беларускіх рублёў.
У іншых выпадках у продажы знаходзіліся прадукты без пазначэння тэрмінаў прыдатнасці, сярод якіх былі мясны фарш, кандытарскія вырабы і сыры. Падобныя парушэнні зафіксавалі таксама ў Мінску.
Па выніках праверак МАРГ выдаў прадпрыемству рэкамендацыі па ліквідацыі выяўленых недахопаў, а таксама прадпісанне аб забароне рэалізацыі асобных тавараў. У ведамстве паведамілі, што юрыдычная асоба будзе прыцягнутая да адміністрацыйнай адказнасці.
Паводле інфармацыі МАРГ, у Беларусі сетка «Святлафор» налічвае каля 190 магазінаў. Яна была заснаваная ў Краснаярскім краі Расіі і працуе таксама ў іншых краінах. Уладальнікамі сеткі з'яўляецца сям'я Шнайдэраў, якая перыядычна ўваходзіць у рэйтынгі самых заможных прадпрымальнікаў паводле версіі Forbes.
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары
Гэта ніякі не "Сьвятлафор", гэта маскальскі "Светофор" - у іх нават на афіцыйным сайце няма ні "сьвятлафораў", ні нават беларускае мовы і працуюць на гэтай тэрыторыі яны менавіта пад расейскаю назваю "Светофор" і шылды на іх крамах таксама напісаныя менавіта "Саетофор". Нават па прыведзенай спасылцы згаданы толькі і менавіта "Светофор" (я маўчу ўжо што там увесь артыкул ад пачатку і да апошняе кропкі таксама на расейскай).
Што за дурная манера перакладаць назвы расейскіх кампаній на беларускую? Чаму астатніх не перакладзеце? Напрыклад Microsoft - "Дробнамяккі", Safeway - "Бясьпечны Шлях", Carrefour - "Ростань", цудоўна ж будзе, праўда? Калі не - чым гэта менавіта расейскія канторы так адзначыліся што іх раптам трэба неадкладна "абеларушчваць". Гэта нейкая інфармацыйная кампанія каб зрабіць іх больш "свойскімі" для беларусаў і каб яны больш не выглядалі як акупанты і прышлыя чужынцы?
І нават згодна такой лёгіцы - чаму не перакладаеце Wildberries на якіясь "Дзікаягады", "Лента" - "Стужка", "Зарубежнефть" - "Замежжанафта", "Алмаз-Антей" - "Дыямэнт-Антэй"... Гэта ж увогуле бязглузьдзіца атрымліваецца - расейскі "Светофор" перакладаць, а расейскі ж "Wildberries" - не.
[Зрэдагавана]