Расія забараніла ўезд у краіну 963 грамадзянам ЗША, у тым ліку Байдэну і акцёру Фрымену
У ліку грамадзян ЗША, каму цяпер забаронены ўезд у Расію, — амерыканскі прэзідэнт Джо Байдэн і яго сын Хантэр, члены Кангрэса, амерыканскія міністры і прадстаўнікі ВПК, а таксама акцёр Морган Фрымен.
МЗС Расіі апублікаваў спіс амерыканскіх грамадзян, якім забаранілі ўезд у краіну на пастаяннай аснове. У пералік увайшлі 963 чалавекі, у тым ліку прэзідэнта ЗША Джо Байдэна.
«Расійскія контрсанкцыі носяць вымушаны характар і нацэленыя на тое, каб прымусіць кіруючы амерыканскі рэжым, які спрабуе навязаць астатняму свету неакаланіяльны «светапарадак, заснаваны на правілах», змяніць свае паводзіны, прызнаўшы новыя геапалітычныя рэаліі», — гаворыцца ў паведамленні.
Таксама сёння РФ забараніла ўезд 26 грамадзянам Канады, уключаючы жонку прэм'ер-міністра Трудо, а таксама камандуючых ВПС, ВМС і сухапутнымі войскамі краіны.
Цяпер чытаюць
«Я еду натхніцца ўкраінцамі». Святлана Ціханоўская пачала афіцыйны візіт ва Украіну7
Каментары