Днямі мы пісалі пра затрыманне супрацоўніцы «Альфа-Хаба» Алесі Курэйчык. Аказалася, што яе хлопца таксама забралі за ўдзел у пратэстах.
Хлопца Алесі Курэйчык клічуць Вячаслаў Арастаў. 30 мая яму споўніцца 27 год, і свой дзень нараджэння ён сустрэне ў зняволенні.
«Слава і Леся разам з 2016 года, пазнаёміліся падчас вучобы ў БДУКМ. Слава — з Полацка, Леся — з Мінска, — расказвае іх знаёмая. —
Леся і Слава былі білінгвамі з моманту нашага знаёмства ў 2019-м. Мне падаецца, Слава быў больш у бок беларускай мовы схілены. Нават крыўдзіўся на мяне, калі на рускую пераходзіла.
А ў Лесі, відаць, было мала беларускамоўнага атачэння, таму яна была рада перайсці на беларускую пры любой магчымасці. Сацсеткі яна перавяла на беларускую з пачаткам вайны, але ў прыватнай камунікацыі была беларускамоўнай і раней».
Пара раней запісвала падкасты, у тым ліку і па-беларуску. Леся займалася хэнд-мэйдам, шыла шоперы.
Славу калісьці судзілі за ўдзел у адным з маршаў, ён сам прыйшоў па павестцы ў суд і атрымаў 20 базавых штрафу.
Пару затрымалі 24 мая. Мяркуючы па інфармацыі ў канале сілавікоў, іх абаіх абвінавачваюць па артыкуле 342 КК за ўдзел у маршах у 2020 годзе.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары