Ціханоўская заклікала ЕС увесці бязвізавы рэжым для беларусаў і «план Маршала» пасля Лукашэнкі
Лідарка беларускай апазіцыі Святлана Ціханоўская выступіла перад кіраўнікамі дзяржаў-удзельніц ЕС на саміце Еўрапейскай народнай партыі.
Святлана Ціханоўская 31 мая і 1 чэрвеня ўзяла ўдзел у Кангрэсе Еўрапейскай народнай партыі, адной з самых буйных палітычных арганізацый у ЕС, паведамляе яе прэс-служба.
Чарговы кангрэс праходзіць у Ратэрдаме. 31 мая там прайшоў круглы стол, прысвечаны Беларусі. На кангрэсе прысутнічаюць кіраўнікі ўрадаў і дзяржаў ЕС, якія належаць да гэтай партыі.
Святлана Ціханоўская заклікала Еўрасаюз «раздзяляць беларускі народ і рэжым Лукашэнкі, адзначыла дыскрымінацыю, якую зазнаюць беларусы (і студэнты ў прыватнасці) за сваю нацыянальнасць.
«Замест гэтага лепш увесці бязвізавы рэжым для беларусаў, — прапанавала Ціханоўская, — а памагатых рэжыму трымаць пад санкцыямі».
Ціханоўская таксама заклікала ўмацаваць супрацоўніцтва паміж ЕС і дэмакратычнымі сіламі Беларусі, а таксама паскорыць распрацоўку і прыняцце «плана Маршала» для Беларусі, які дапамог бы ў правядзенні хуткіх рэформаў пасля сыходу Лукашэнкі. «Для беларусаў гэта было б моцным знакам таго, што іх барацьба не дарэмная», — сказала Ціханоўская.
Удзел у Кангрэсе прымалі прэзідэнт Румыніі Клаўс Яганіс, канцлер Аўстрыі Карл Негамер, старшыня Еўракамісіі Урсула фон дэр Ляен, прэзідэнт Кіпра Нікас Анастасіядыс, прэм’ер Харватыі Андрэй Пленкавіч, усяго — каля 50 лідараў урадаў і найбуйнейшых еўрапейскіх партый.
Еўрапейская народная партыя (фактычна гэта кааліцыя партый правацэнтрысцкага спектру) цягам двух апошніх дзесяцігоддзяў мае ў Еўрапарламенце найбольшую фракцыю.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу15
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ2828
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ28
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары