Звязаны са спецслужбамі і Рускай праваслаўнай царквой мільярдэр Канстанцін Малафееў прапанаваў Пуціну стаць імператарам. Аўдыторыя сустрэла прапанову авацыямі.
У Маскве на Краснай плошчы адбылася прэзентацыя кнігі расійскага бізнэсмена Канстанціна Малафеева «Империя. Образ будущего».
Падчас прэзентацыі ў Малафеева спыталі: «Вы ў сваёй кнізе пішаце аб тым, што Расія заўсёды была манархічнай краінай. І правіць павінен манарх. Як вы лічыце, хто павінен стаць манархам у сённяшняй Расіі — Вялікі Князь [нашчадак дынастыі Раманавых] або наш прэзідэнт?»
Канстанцін Малафееў адказаў без эківокаў:
«Я, безумоўна, лічу, што самым годным прэтэндэнтам на тое, каб быць імператарам сучаснай Расіі, з'яўляецца Уладзімір Уладзіміравіч Пуцін», — сардэчна адказаў Малафееў.
Публіка сустрэла адказ авацыямі.
Раней Малафееў казаў, што пачаткам аперацыі супраць Украіны 24 лютага Уладзімір Пуцін паказаў, што Расія зноў выбрала шлях імперыі, што вядзе яе ў «светлую будучыню».
Малафееў — мільярдэр, якога часам называюць «праваслаўным алігархам».
Ягонаму бізнэсу спрыяюць расійскія дзяржаўныя структуры і спецслужбы. У то жа час праз яго структуры фінансуюцца расійскія чарнасоценцы, а таксама ўльтраправыя палітыкі Еўропы. У 2014—2015-м праз Малафеева фінансаваліся расійскія сілы ў Данбасе. Ëн таксама ўласнік інтэрнэт-сайт і ютуб-канала «Царград».
За некалькі тыдняў да расійска-ўкраінскай вайны 2022 года Малафееў сцвярджаў, што Украіна не пратрымаецца і 48 гадзін:
— Адкрытае ваеннае супрацьстаянне паміж Расіяй і Украінай не можа насіць характар вайны або, ва ўсякім выпадку, зацяжнога канфлікту, таму што розніца ваенных патэнцыялаў настолькі вялікая, што гэта можа быць толькі аперацыя па прымусе да міру, як у Грузіі. Яна будзе доўжыцца максімум 48 гадзін, і мы не можам казаць пра нейкія франты, — сцвярджаў ён.
Таксама Малафееў кажа, што Расія павінна «вярнуць сабе» Польшчу і Фінляндыю.
«А мы іх не адпускалі. Вось у сувязі з гэтым у нас узнікае шмат цікавых калізій у нашай міжнароднай палітыцы, якія было б цікава ў будучыні разгледзець дэталёва», — казаў ён за некалькі тыдняў да вайны.
Чытайце таксама:
Расія з'яўляецца ключавым фундатарам ультраправых у Еўропе. Гаворка пра сотні мільёнаў даляраў
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары