Двое беларусаў з былога атрада «Ліцвін» загінулі ў аўтааварыі ў Румыніі
Двое грамадзян Беларусі 35 і 27 гадоў загінулі ў аўтааварыі ў аўторак недалёка ад румынскага горада Інсурэцэй у павеце Браіла.
Грамадзяне Беларусі 35 і 27 гадоў загінулі ў аўтааварыі ў аўторак недалёка ад румынскага горада Інсурэцэй. Паводле інфармацыі Reform.by, гэта ўдзельнікі добраахвотніцкага атрада «Ліцвін», які дзейнічаў у Адэсе.
Грузавік пад кіраваннем 51-гадовага мясцовага жыхара раптам выехаў на сустрэчную паласу і ўрэзаўся ў аўто з беларусамі лоб у лоб.
Распачатая крымінальная справа аб ненаўмысным забойстве.
Атрад «Ліцвін» быў сфарміраваны ў Адэсе з беларусаў і налічваў, паводле іх слоў, некалькі дзясяткаў чалавек. Яны планавалі ўступіць ва ўкраінскую тэрабарону. Некалькі тыдняў таму стала вядома, што байцы палка Каліноўскага прыбылі ў Адэсу і распусцілі атрад, абвінаваціўшы іх у бяздзейнасці.
Што беларусы рабілі ў Румыніі, невядома.
Чыноўнікі прагаварыліся, што ў Беларусі засталося толькі 8,8 мільёна чалавек? Гэта няправільная выснова6
Каментары