У Баранавічах праблема: людзі і жывёлы пакідаюць фекаліі ў пад’ездах і ліфтах, а камунальнікі за імі адмаўляюцца прыбіраць
З’ява набыла такі маштаб, што тэму падняла раёнка.
Апошнім часам у Баранавічах пачасціліся выпадкі, калі ў месцах агульнага карыстання шматкватэрных дамоў — на лесвічных пляцоўках, у ліфтах — з'яўляюцца сляды жыццядзейнасці. Прычым як хатніх жывёл, так і саміх людзей, піша «Наш край».
Прыбіраннем у пад'ездах займаюцца работнікі ЖЭСаў. «Гэта звычайныя людзі, якія прыходзяць падмесці, прыбраць пыл, памыць падлогу — падтрымліваюць элементарны парадак», — нагадвае выданне.
— У іх абавязкі не ўваходзіць ліквідацыя наступстваў чужой нявыхаванасці, — кажа намесніца начальніка ЖРЭУ Анастасія Еўсеева. — Прыбіральшчыкі не павінны і не абавязаныя прыбіраць фекаліі за нядбайнымі гасцямі або хатнімі гадаванцамі. Работнікі камунальных службаў — не прыслуга для тых, хто пераступае межы прыстойнасці. Давайце паважаць чужую цяжкую працу і заставацца людзьмі, паважаць суседзяў. Калі ваш гадаванец не датрываў да вуліцы, калі ласка, праявіце грамадзянскую адказнасць і прыбярыце самастойна.
Як кажуць у ЖРЭУ, сітуацыя з экскрэментамі ў некаторых пад'ездах пераходзіць усе межы.
«Але яшчэ больш уражвае цынізм, з якім некаторыя жыхары спрабуюць гэта апраўдаць. Рабіць заўвагі няма сэнсу: у адказ гучыць стандартная адгаворка, што чалавек плаціць паводле жыроўкі, а прыбіральшчыца атрымлівае за гэта грошы і абавязаная прыбіраць», — піша раёнка.
— У тарыфы ЖРЭУ ўваходзіць падтрыманне чысціні: памыць падлогу ад пылу і бруду, падмесці, працерці вокны. Там няма і не можа быць пункта «ліквідацыя чалавечых і сабачых фекаліяў», — кажа Анастасія Уладзіміраўна.
«Так ці інакш, грошы ў жыроўцы не даюць права губляць чалавечае аблічча і ператвараць агульны дом у грамадскую прыбіральню», — пераконвае раёнка.
У каментарах да публікацыі знайшлося месца і абурэнню, і іроніі:
«Навіны, вартыя горада, ажно гонар бярэ за родныя мясціны».
Частка чытачоў прапануе яшчэ больш паставіць камер. «Камеры не дапамогуць. Упаў узровень культуры…» — упэўненыя іншыя.
Была і яшчэ больш грунтоўная прапанова: вызначаць вінаватых праз аналіз ДНК.
А адна з чытачак напісала, што падобная праблема ёсць і ў Гродне:
«Гэта, падобна, новы трэнд сярод моладзі. У нас на лесвічнай пляцоўцы таксама адбываецца такое. Прычым у духмяную кучу яшчэ і запіскі ўкладаюць з пасланнямі. Гродна».
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары