Фінал сталічнага конкурсу прыгажосці прайшоў 10 верасня ў спартыўным комплексе «Мінск-Арэна».
Фінал сталічнага конкурсу прыгажосці прайшоў 10 верасня ў спартыўным комплексе «Мінск-Арэна».
Марыя Кубракова з'яўляецца прафесійнай танцоркай, студэнткай Беларускага дзяржаўнага універсітэта культуры і мастацтва.
Першай віцэ-міс стала будучы архітэктар, студэнтка Беларускага нацыянальнага тэхнічнага універсітэта Вольга Сімакова (18 гадоў), другая віцэ-міс — балярына, студэнтка Беларускага дзяржаўнага універсітэта культуры і мастацтваў Дар'я Саладуха (20 гадоў).
Фіналісткі дэфілявалі па подыуме ў вячэрніх сукенках і спартыўных купальніках, а затым адказалі на пытанні членаў журы. У яго склад сёлета ўвайшлі Анатоль Ярмоленка, Аляксандр Ціхановіч, Алег Газманаў, Ігар Нікалаеў, прадстаўнікі заснавальнікаў конкурсу, мадэльер Іван Айплатаў і інш.
У фінале конкурсу прыгажосці «Міс Мінск — 2009» узялі ўдзел 20 мінчанак. У кастынгу ўдзельнічала каля 200 дзяўчат. Сёлета прэтэндаваць на ўдзел у конкурсе маглі ўсе жадаючыя незамужнія мінчанкі да 30 гадоў незалежна ад росту. Лепшых адбіралі арганізатары конкурсу — прадстаўнікі Нацыянальнай школы прыгажосці, ЗАТ «Сталічнае тэлебачанне» і Мінгарвыканкама. Сярэдні ўзрост удзельніц — 21 год, рост — ад 159 да 182 см.
Адной з самых галоўных умоў удзелу ў спаборніцтве з'яўляецца сацыяльны праект — арыгінальная ідэя па паляпшэнні жыцця жыхароў сталічнага рэгіёну.
Пераможца конкурсу атрымала карону, грашовую ўзнагароду ў памеры 10 млн. рублёў ад Мінгарвыканкама і права на рэалізацыю ўласнага праекта. Праект Кубраковай звязаны з навучаннем бальным танцам дзяцей са шматдзетных сем’яў.
Улады Гродна паведамілі пра выхад з ладу ліўнёўкі пад ударам стыхіі1
Каментары