У Шампані чакаецца рэкордны ўраджай вінаграду. Гэта самыя высокія вынікі за 15 гадоў
Таварная ўраджайнасць вінаграду ў Шампані ў гэтым сезоне вырасла да 12 000 ц/га.
У Францыі працуе сістэма захоўвання вінаў мінулых гадоў, якая прызначаная для пакрыцця попыту ў выпадку неўраджаю. Гэтая сістэма захоўвання прапануе кожнаму вінаградару магчымасць захоўваць да 8000 кг вінаграду з гектара ў рэзервовых вінах у адпаведнасці са спецыфікацыямі назвы, паведамляе avis-vin.lefigaro.fr.
У 2022 годзе ўраджайнасць устаноўленая на ўзроўні 12000 ц/га — найвышэйшы ўзровень за 15 гадоў (з 2007 года).
Пасля двух надзвычай цяжкіх гадоў з-за каранавіруса і «паўураджаю» 2021 года з-за замаразкаў і ўспышак цвілі, вінаградары атрымалі перадышку. Прырода нарэшце ўстала на іх бок. Напрыклад, страты з-за красавіцкіх замаразкаў і граду ў гэтым годзе ацэньваюцца менш чым у 9% ад патэнцыйнага ўраджаю — у параўнанні з 30% страт ураджаю пасля вясновых замаразкаў 2021 года.
Паводле звестак Усеагульнага саюза вінаробаў шампанскага (SGV), працяглыя красавіцкія маразы, якія абрынуліся на Францыю ў мінулым годзе, прывялі да зніжэння ўраджайнасці вінаграднікаў Шампані на 30%.
Тады град пабіў 500 га, палова з якіх была цалкам знішчаная. Нарэшце, плесневы грыб размножыўся з-за дажджоў і прывёў да страты ўраджаю яшчэ на 25-30%. У параўнанні з 2020 годам, сабраны аб'ём аказаўся меншым роўна на палову. Сярэдняя агранамічная ўраджайнасць склала парадку 6500 ц/га.
Аднак нават у цяжкім (па прычыне катастрафічных умоў надвор'я) 2021 годзе сектар, тым не менш, змог задаволіць попыт і нават зафіксаваў рэкордны год для экспарту. Адгрузкі склалі 322 млн пляшак, што больш на на 32% у параўнанні з 2020 годам. І попыт працягвае расці.
— Мы прагназуем продажы на ўзроўні 325 мільёнаў бутэлек да 2022 года, — сказаў Давід Шаціён, прэзідэнт Саюза дамоў шампанскіх вінаў і сустаршыня камітэта шампанскіх вінаў. — У першай палове 2022 года продажы наблізіліся да 130 мільёнаў бутэлек, што на 13,8% больш, чым у 2021 годзе.
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза3
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары