Расію ахапіў масавы посттраўматычны сіндром: у аптэках узляцелі цэны на абязбольвальныя і транквілізатары
Расію нібы ахапіў масавы посттраўматычны сіндром: тысячы чалавек пабывалі на вайне, а мільёны штодня назіраюць за ёй на экранах тэлевізараў і гаджэтаў. Цана абязбольвальных і заспакаяльных прэпаратаў рэзка вырасла ў чэрвені і рэкордна павысіла індэкс цэн на лекі за ўвесь час назіранняў, паведамляе The Moscow Times.
Паводле падлікаў, спажывецкі кошык сярэдняга наведвальніка аптэк падаражэў на 2,3% за месяц і больш чым на 20% з пачатку года.
«У гэтым месяцы мы назіраем істотны рост цэнаў на лекі. Пры гэтым дынаміка цэн у гэтай катэгорыі не карэлюе з іншымі прадуктамі. Асноўнымі драйверамі росту выступілі абязбольвальныя і заспакаяльныя сродкі», — адзначае дырэктар бізнес-напрамку «М-Ромир» Ксенія Пайзанская.
Расійскім грамадзянам патрабуецца ўсё больш анальгетыкаў, анксіялітыкаў і транквілізатараў па меры таго, як у грамадстве нарастае ўзровень псіхітазацыі. Чэрвеньскае апытанне праекта «Хроніка» паказала: на фоне вайны і істэрычнасці дзяржпрапаганды кожны чацвёрты (25,7%) перастаў размаўляць з блізкімі сябрамі або сваякамі, а ў 43% здараліся прыступы трывогі або дэпрэсіі (на 10% больш, чым у маі).
Следам за заспакаяльнымі людзі скупляюць антыдэпрэсанты з сярэдняй хуткасцю мільён упаковак за месяц: попыт на іх па выніках першага паўгоддзя падскочыў на 66%, падлічылі ў Цэнтры развіцця перспектыўных тэхналогій (РЦПР).
Эпіцэнтрам дэпрэсій, калі верыць продажам у аптэках, стала Масква, дзе антыдэпрэсанты прадаюцца ў аб'ёме 1,3 тысячы упаковак на 10 тысяч чалавек насельніцтва. Далей ідуць Санкт-Пецярбург (1,2 тысячы) і Маскоўская вобласць (1,1 тысячы).
Сярэдні кошт антыдэпрэсантаў, як вынікае са звестак ЦРПТ, вырас за год амаль на 30%. Гэта ўтрая вышэй за афіцыйную інфляцыю на рынку лекаў, якую Расстат ацэньвае ў 10,3% (па стане на 1 жніўня).
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне62
Каментары