Загадчыкі юрыдычных кансультацый будуць кантраляваць сацсеткі адвакатаў
Яшчэ раней адвакатаў абавязалі працаваць праз юрыдычныя кансультацыі, а не праз адвакацкія бюро. Цяпер жа загадчыкаў гэтых кансультацый абавяжуць пільна сачыць за падначаленымі.
Новыя палажэнні прапісаны ў Пастанове Мінюста №106, якая была сёння апублікавана на Нацыянальным прававым партале.
Згодна з новымі правіламі, загадчыкі кансультацый будуць даваць ўказанні, абавязковыя для выканання адвакатамі, памочнікамі адваката, стажорамі і работнікамі юрыдычнай кансультацыі.
Загадчык будзе таксама кантраляваць, што адвакаты кажуць у СМІ і ў сацсетках і ці прытрымліваюцца яны пры гэтым правіл прафесійнай этыкі.
У яго абавязках — даводзіць інфармацыю аб недахопах у іх працы і выпраўляць гэта.
Яшчэ чатырох мінскіх адвакатаў пазбавілі ліцэнзіі, з іх адзін цяпер за кратамі
Цяпер чытаюць
«Была галоднай, узімку аказалася без цёплых рэчаў». Суседкі расказваюць пра памерлую экс-палітзняволеную Ганну Кандраценка1
Каментары