Былі зафіксаваныя тры выпадкі.
У сувязі з пажарамі ў дамах, звязаных з прэм’ер-міністрам Вялікабрытаніі Кірам Стармерам, затрыманы 21-гадовы мужчына, паведамілі ў лонданскай паліцыі, піша Бі-бі-сі.
Напярэдадні стала вядома, што паліцыя праводзіць расследаванне ў сувязі з пажарам, які адбыўся раніцай у панядзелак у прыватным доме Стармера ў Кенціш-Таўне на поўначы Лондана.
Гэта быў ужо трэці пажар, звязаны з брытанскім прэм’ер-міністрам, які цяпер пражывае ў афіцыйнай рэзідэнцыі на Даўнінг-стрыт, але працягвае валодаць нерухомасцю ў Лондане.
Першы выпадак, які цяпер расследуецца, адбыўся каля 03:00 у чацвер, калі ратавальнікаў выклікалі на невялікае загаранне аўтамабіля на той жа вуліцы, дзе знаходзіцца дом прэм’ера ў Кенціш-Таўне.
Другі інцыдэнт адбыўся неўзабаве пасля 03:00 у нядзелю — экстраныя службы выклікалі да невялікага пажару каля ўваходных дзвярэй дома ў суседнім Іслінгтане — гэтая нерухомасць таксама звязаная з брытанскім прэм’ерам.
Трэці выпадак зноў адбыўся ў Кенціш-Таўне — у панядзелак у 01:11 паступіў званок аб «невялікім пажары», які ўдалося лакалізаваць прыкладна праз 20 хвілін.
У выніку пажараў ніхто не пацярпеў, расследаванне вядзе падраздзяленне брытанскай паліцыі па барацьбе з тэрарызмам.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1313
Каментары