Арганізацыя Amnesty International прынесла прабачэнні за тое, што яе даклад аб тактыцы вядзення баявых дзеянняў украінскімі вайскоўцамі выклікаў «трывогу і гнеў». Пра гэта гаворыцца ў лісце, які атрымала ад міжнароднай праваабарончай арганізацыі агенцтва Reuters.
Пры гэтым у арганізацыі падкрэслілі, што цалкам падтрымліваюць зробленыя раней высновы, адзначыўшы, што для іх «прыярытэтам у гэтым і любым іншым канфлікце з'яўляецца забеспячэнне абароны цывільных асоб».
Amnesty International таксама паведаміла, што выявіла ўкраінскія сілы побач з цывільнымі дамамі ў 19 украінскіх гарадах і вёсках, якія яна наведала. Тым самым байцы падвяргалі іх рызыцы абстрэлу з боку Расіі.
У арганізацыі адзначылі, што тое, што яны зарэгістравалі парушэнні з боку УСУ, але гэта ніяк не апраўдвае дзеянні расейскіх сілаў.
Даклад Amnesty International быў падвергнуты жорсткай крытыцы ва Украіне і на Захадзе. Дырэктарка ўкраінскага офіса Amnesty Аксана Пакальчук звольнілася на знак пратэсту. Арганізацыю абвінавачвалі ў карупцыі, заказным характары дакладу, неаб'ектыўнасці і прыраўноўванні ахвяры агрэсіі да агрэсара.
Прэзідэнт Украіны Уладзімір Зяленскі назваў публікацыю «амаральнай выбаркай», а Узброеныя сілы Украіны пазбавілі Amnesty International акрэдытацыі.
Чытайце таксама:
Amnesty International абвінаваціла Украіну ў размяшчэнні тэхнікі ў жылых раёнах
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?12
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары