У мінскім пераходзе п'яная кампанія збіла дзяўчыну і хлопца за адмову праспяваць песню
Як расказалі ў Следчым камітэце, здарэнне адбылося вечарам 1 жніўня.
Трое раней судзімых мінчан у нецвярозым стане праходзілі праз адзін з падземных пераходаў сталіцы. Яны звярнулі ўвагу на чатырох музыкаў, якія гралі ў падземцы, сярод якіх была 14-гадовая дзяўчына.
Калі дзяўчына засталася адна, нецвярозая кампанія папрасіла яе праспяваць песню. Пасля адмовы дзяўчыны мужчыны пачалі паводзіць сябе агрэсіўна. На гэта звярнулі ўвагу астатнія музыканты, якія паспяшаліся на дапамогу. Але п'яныя нападнікі сталі збіваць дзяўчыну і хлопца. Падчас бойкі адзін з тых, хто нападаў, пагражаў нажом.
У дачыненні да членаў кампаніі ўзбуджана крымінальная справа па ч.3 арт.339 (асабліва злоснае хуліганства) Крымінальнага кодэкса Беларусі. Адзін з нападнікаў затрыманы, дваіх шукаюць.
Цяпер чытаюць
У Гомелі за палітыку асудзілі кіраўніка аб'яднання, якое шукае парэшткі ахвяраў вайны і сталінскіх рэпрэсій, і яго жонку-медсястру2
Каментары