Пра тое, што беларускі порт у Расіі плануюць дабудаваць ужо да канца 2022 года, расказалі ў вячэрнім эфіры СТВ. Прытым не забыліся адзначыць, што гэта «паб'е ўсе рэкорды хуткасці».
11 жніўня прэм'ер-міністр Раман Галоўчанка сказаў, што рашэнне па беларускай порце ў Расіі прынята. Аднак не ўдакладніў, дзе дакладна яго будуюць і колькі каштуе гэты праект. Было толькі вядома, што ён будзе размяшчацца ў Паўночна-Заходнім рэгіёне Расіі. Зараз дэталяў стала крыху больш: скончыць будаўніцтва плануецца сёлета.
А да таго часу беларускія экспарцёры карыстаюцца расійскімі партамі. У першым паўгоддзі праз іх прайшло, як сказалі на СТВ, каля 2 мільёнаў тон беларускіх грузаў, прытым, маўляў, «тарыфы на перавалку грузаў Made in Belarus максімальна выгадныя». Канкрэтныя лічбы не называліся.
Цяпер чытаюць
Мужчына ў мінскім метро лапаў дзяўчат, з выгляду падлеткаў, і паказваў ім пахабныя жэсты. Яго затрымалі14
Каментары