Пашырэнне супрацоўніцтва краін былога СССР з Захадам выклікае ўсё большую занепакоенасць у Расіі, якая апынулася ў міжнароднай ізаляцыі і чакае, што нешматлікія партнёры падтрымаюць яе ў новай «халоднай вайне».
![](http://nashaniva.com/img/w840d4webp1/photos/z_2022_08/photo_2022-08-18_19-36-18-mz2rs.jpg.webp)
Кантакты краін-чальцоў АДКБ з «недружалюбнымі» дзяржавамі не павінны наносіць шкоды стратэгічнаму партнёрству з Расіяй. Пра гэта, як паведамляе «РИА Новости», заявіў у чацвер намеснік дырэктара Дэпартамента інфармацыі і друку МЗС Расіі Іван Нячаеў.
У дзяржаў блока, куды, акрамя Расіі, уваходзяць Беларусь, Казахстан, Арменія, Таджыкістан і Кыргызстан, ёсць абавязацельствы, замацаваныя ў дзейных пагадненнях, нагадаў Нячаеў на штодзённым брыфінгу.
Ён дадаў, што кантакты з краінамі, якія Масква абвясціла «недружалюбнымі», не павінны супярэчыць гэтым абавязанням.
Каментары