Міністры ўнутраных спраў Беларусі і Расіі падпісалі пагадненне аб узаемным прызнанні штрафаў за парушэнне ПДР. Пра гэта паведаміла прэс-служба беларускага МУС.
У ведамстве адзначылі, што дакумент прадугледжвае ўзаемнае прызнанне па ўсіх парушэннях у галіне бяспекі руху, у тым ліку зафіксаваных з выкарыстаннем спецыяльных тэхнічных сродкаў з функцыяй фотафіксацыі. Таксама пагадненне прадугледжвае абмен звесткамі па электронных каналах сувязі.
У МУС удакладнілі, што вынесеная на тэрыторыі Беларусі ў дачыненні да расійскага грамадзяніна пастанова будзе мець юрыдычную сілу і на тэрыторыі РФ.
«Пры гэтым, калі ў Беларусі штраф не будзе аплачаны, то ён можа быць прымусова спагнаны ў Расіі на падставе адпаведнага запыту. Пры гэтым спагнаны штраф паступіць у бюджэт краіны-суседкі», — падкрэслілі там.
Такі ж парадак будзе ўжывацца і ў дачыненні да ўладальнікаў транспартных сродкаў, зарэгістраваных у Беларусі. Штраф, неаплачаны беларусам у Расіі, можа быць прымусова спагнаны ў Беларусі і залічаны ў яе бюджэт.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі37
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары