У МЗС Беларусі пракаментавалі сітуацыю з затрыманнем прадстаўніцы Еўрасаюза
У МЗС Беларусі пракаментавалі сітуацыю з нядаўнім затрыманнем прадстаўніцы ЕС у Беларусі Эвеліны Шульц. Прадстаўнік міністэрства Анатоль Глаз заявіў, што ў Венскай канвенцыі сярод функцый дыппрадстаўніка няма «ні шастанняў па судах, ні дачы адзнак працы судовай улады…».
Увогуле сітуацыю прадстаўнік МЗС РБ назваў «наўмыснай правакацыяй», мэта якой — «падштурхнуць беларускі бок да нейкіх больш рэзкіх крокаў». Пра гэта афіцыйны Мінск ужо заявіў Бруселю.
Аднак Еўрасаюз не згодзен з такой трактоўкай. Прадстаўнік знешнепалітычнага ведамства ЕС Петэр Стана 8 верасня заявіў: «Незаконнае затрыманне нашага дыпламата з'яўляецца сур'ёзным парушэннем Венскай канвенцыі аб дыпламатычных адносінах». Бо сярод функцый дыпламата ёсць пункт «высвятленне ўсімі законнымі сродкамі ўмоў і падзей у дзяржаве знаходжання і паведамленне пра іх».
Затрыманне Эвеліны Шульц адбылося, калі яна выходзіла з памяшкання суда пасля публічнага абвяшчэння прысуду па выніках закрытага судовага працэсу, паводле якога дзесяць палітвязняў былі асуджаны на неабгрунтавана доўгія і жорсткія тэрміны зняволення. У міліцыі Шульц правяла дзве гадзіны, хаця паказвала міліцыянерам дыпламатычны пашпарт.
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі5
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2626
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра26
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары