Супрацоўніка РНПЦ дзіцячай анкалогіі асудзілі да трох гадоў «хатняй хіміі» за пратэст
У судзе Першамайскага раёна Мінска 9 верасня разгледзелі крымінальную справу супраць Аляксандра Мялешкі. Яго абвінавацілі ва ўдзеле ў двух нядзельных Маршах у Мінску — 23 і 30 жніўня 2020 года, піша «Вясна».
Супрацоўнікі КДБ затрымалі Аляксандра Мялешку 7 ліпеня ў межах крымінальнай справы і змясцілі яго на Акрэсціна. Праз шэсць сутак мужчыну выпусцілі пад паручальніцтва калег, таму да суда ён знаходзіўся на волі.
Мялешка — загадчык лабараторыі генетычных біятэхналогій Рэспубліканскага навукова-практычнага цэнтра дзіцячай анкалогіі, гематалогіі і імуналогіі, кандыдат біялагічных навук. У яго 20-гадовы стаж працы, раней ён уваходзіў у кіраўнічы орган першаснай арганізацыі «Свабоднага прафсаюза беларускага» ў РНПЦ ДАГІ.
Сёння суддзя Максім Трусевіч прызнаў Аляксандра вінаватым паводле арт. 342 Крымінальнага кодэкса і асудзіў яго да трох гадоў «хатняй хіміі».
Цяпер чытаюць
Каардынатара пошукавага атрада «Анёл» пасадзілі за палітыку2
Каментары