«Разумная і класная». Ксеніі Сырамалот дазволілі ў калоніі сустрэцца з сястрой
Сястра палітзняволенай студэнткі Ксеніі Сырамалот распавяла ў Instagram пра спатканне з ёй у жаночай калоніі.
«Усім прывітанні ад Ксюшы, правялі з ёй цэлыя содні разам. Выглядае крута, бадзёрая, разумная і класная. Цяпер з фізухай у яе 6-pack нават) Ну і 3-ці разрад закройшчыцы. Вядома, многія навіны для яе сюрпрыз, але яны там добра ўмеюць здагадвацца пра ўсё. Усіх абдымае.
І яна ўдасканальвае яшчэ болей новы скіл — проста ўмець камунікаваць з усімі, кім заўгодна. Навучылася ад яе новым фразачкам. Шмат насмяяліся, але вядома, не для публічных расповедаў. Пачуццё гумару ў сястры сямейнае )».
Ксенія Сырамалот — студэнтка БДУ і фігурантка вядомай «справы студэнтаў». 16 ліпеня суд прысудзіў ёй 2,5 гады калоніі. З кастрычніка адбывае тэрмін у гомельскай калоніі №4.
Падтрымайце Ксенію: ПК №4, 246035, г. Гомель, вул. Антошкіна, 3, Сырамалот Ксеніі Аляксандраўне
Цяпер чытаюць
У сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр3
Каментары