Аб’яднаны пераходны кабінэт Беларусі не прызнае «рэфэрэндумаў» аб далучэнні часткі ўкраінскіх тэрыторый да Расіі
Аб’яднаны пераходны кабінет Беларусі асудзіў правядзенне на акупаваных Расіяй тэрыторыях Украіны рэферэндумаў аб далучэнні да Расійскай Федэрацыі. З адпаведнай заявай выступіў прадстаўнік Кабінета па замежных справах Валерый Кавалеўскі.
«У сувязі с пачаткам правядзеньня так званых рэферэндумаў у справе далучэння да Расіі часова акупаваных украінскіх тэрыторый у Данецкай, Луганскай, Херсонскай і Запарожскай абласцях маем заявіць наступнае, — адзначыў Кавалеўскі. —
Аб’яднаны пераходны кабінет Беларусі не прызнае ні ініцыятыву, ні працэс, ні вынікі незаконных рэферэндумаў. Так званыя рэферэндумы абвешчаныя і праводзяцца акупацыйнымі адміністрацыямі, падкантрольнымі Расіі і прызначанымі з боку Расіі».
Паводле слоў Кавалеўскага, «рэферэндумы» не маюць легітымнасці на тэрыторыі Украіны, праводзяцца «пад сілавым кантролем Узброеных сіл Расіі з выкарыстаннем прамога ціску на мясцовае насельніцтва».
Рэферэндумы ў акупаваных абласцях Украіны «праводзяцца з парушэннем міжнародных нормаў, стандартаў і ў кантэксце гвалту, непразрыста, а значыць не могуць служыць падставай для самавызначэння».
«Выкарыстанне іх у такіх мэтах будзе лічыцца таксама і пагрозай бяспецы Беларусі. Заявы і дзеянні любых прадстаўнікоў органаў дзяржаўнай улады Беларусі, накіраваныя на прызнанне вынікаў рэферэндумаў, будзе расцэньвацца як дзяржаўнае злачынства, як дзеянні, якія шкодзяць нацыянальнай бяспецы Рэспублікі Беларусь», — дадаў Кавалеўскі.
Пры гэтым ён падкрэсліў, што Аб’яднаны пераходны кабінет Беларусі
«лічыць злачыннымі любыя замахі на тэрытарыяльную цэласнасць Украіны, уключаючы анексію Крыму ў 2014 годзе і незаконны захоп Расіяй часткі тэрыторый Данецкай і Луганскай абласцей у перыяд пасля 2014 года».
Кабінет «прызнае безумоўнае права Украіны на дэакупацыю названых тэрыторый любымі даступнымі сродкамі, уключаючы палітычныя, ваенныя і іншыя меры, на справядлівую адплату ў адносінах да асоб, вінаватых у арганізацыі злачынных рэферэндумаў і іх наступствах, і будзе аказваць у гэтым усемагчымую падтрымку Украіне».
-
«Мяне трэсла, цяклі слёзы». Самалёт «Белавія», які ляцеў з Брэста ў Анталью, прыйшлося развярнуць над Расіяй
-
Зянковічу запрасілі двух стылістаў і нават купілі трусы: што засталося за кадрам інтэрв’ю АНТ у гатэлі «Еўропа»
-
Першымі беларусамі, якія сустрэліся з новым Папам, стала дэлегацыя грэка-католікаў
Каментары