Супольнасць чыгуначнікаў: Беларусь рыхтуецца да прыёму вайсковых эшалонаў з Расіі
Падпольная «Супольнасць чыгуначнікаў Беларусі» мае інфармацыю пра комплекс падрыхтоўчых мер. «Наша Ніва» не мае іншых крыніц, каб праверыць, праўдзівая гэта інфармацыя, ці імітацыя дзеянняў, каб змусіць Украіну трымаць напагатове групоўку войскаў на поўначы краіны.
Паведамляецца, што на гэты момант вядзецца прапрацоўка наступных мерапрыемстваў. Напрыклад, па падрыхтоўцы станцый,
— камісійнае абследаванне месцаў выгрузкі (пагрузкі) з прыцягненнем службовых асоб аддзяленняў Беларускай чыгункі і камендатур органаў ваенных злучэнняў;
— пры неабходнасці правядзенне рамонту пагрузачна-выгрузачных платформ, а таксама падрыхтоўка аўтамабільных падыходаў да пагрузачна-выгрузачных месцаў на станцыях;
— праверка спраўнасці сродкаў сувязі на станцыях выгрузкі (пагрузкі) для аператыўнага кіравання вайсковымі перавозкамі;
— выдзяленне работнікаў чыгуначнага транспарту для арганізацыі пропуску тэхнікі праз чыгуначныя пераезды і забеспячэнне іх сродкамі сувязі.
Па забеспячэнні рухомым складам:
— вызначэнне прыдатнасці планаваных да выкарыстання грузавых вагонаў у міжнародных зносінах у адпаведнасці з патрабаваннямі, правядзенне мерапрыемстваў па паскарэнні рамонту рухомага складу;
— адбор грузавых вагонаў з заключэннем дагавораў арэнды і абслугоўвання;
— па арганізацыі руху воінскіх эшалонаў і манеўровай працы на станцыях:
— замацаванне на станцыях выгрузкі манеўровых лакаматываў;
— распрацоўка графікаў руху воінскіх эшалонаў па Беларускай чыгунцы (пасля прадастаўлення плана воінскіх чыгуначных перавозак);
— вылучэнне неабходнай колькасці лакаматыўных брыгад для паскоранага прасоўвання вайсковых эшалонаў;
— арганізацыя ўзаемадзеяння з Цэнтральнай дырэкцыяй кіравання руху — філіяла ААТ «Расійскай чыгункі» па пытаннях узгаднення парадку аператыўнага вяртання парожніх схем у РФ для паўторнага іх выкарыстання пад пагрузку воінскіх эшалонаў ВС РФ падчас руху да месцаў разгрузкі на тэрыторыі Рэспублікі Беларусь.
Асноўныя чыгуначныя памежныя пераходы, па якіх чакаецца прыём у Беларусь:
1. Краснае — Асінаўка.
2. Злынка — Закапыцце.
3. Завярэжжа — Езярышча.
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі26
Каментары
Будет нечто подобное операции "Ось" 1943 года.
Когда немцы оккупировали Италию.