Калі падарожнік збочыць у нетры Вілейскага раёна, ён абавязкова патрапіць у «занямоглыя» вёскі, дзе як быццам спыніўся час, піша kraj.by.
Гэта Губы. У спісе айконімаў Вілейскага раёна «губа» ў старабеларускай мове гэта — акруга, Губы трэба прамаўляць з націскам на апошні склад, папраўляюць гісторыкі.
Не знікнуць з карт вёсцы дапамагаюць дачнікі. Вось яна — апошняя надзея былой дзяржавы ў Ашмянскім павеце.
Незвычайны дом № 31 на адзінай у вёсцы вуліцы застыў на павароце недалёка ад густога лесу. Спачатку журналістаў сустрэў пластыкавы персанаж з просьбай не смеціць. А далей — суцэльнае добраўпарадкаванне. Гаспадароў дома не заспелі. Мясцовыя расказалі, што жывуць тут мінчане — медыкі «ў адстаўцы».
За плотам мільгаюць сілуэты ў чалавечы рост. Вандроўнікі патрапілі сюды ў прыцемках, і прызнаюць, што, сапраўды, на фоне бязлюднай вёскі міжволі адчуваецца шпацыр па мясцовасці ў жанры фолк-хорар.
Зрэшты, лепш убачыць.
Жыхары суседніх вёсак, да якіх недалёка, расказалі, што ў Губах цячэ цудатворная крыніца, якая вылечвае ад хвароб вочы. А яшчэ ў вёсцы нарадзіўся беларускі пісьменнік Касьян Вясёлы, ён жа — Вікенцій Аўдзей.
Цікава, што ў 1800 годзе Губы былі цэнтрам стараства з панскім драўляным домам і пяццю жыхарамі. У 2003 годзе тут налічвалася 17 дамоў і 25 жыхароў. А паводле афіцыйных звестак Крывасельскага сельсавета, сёння ў вёсцы зарэгістраваны ўсяго адзін жыхар.
Каб не плаціць падатак на сабак, мінчукі пачалі здаваць іх у пункты адлову25
Каментары
падабаецца
падаецца, што нават больш крэатыўна і атмасферна, чым японскі аналаг - bigpicture.ru/mertvye-dushi-xudozhnica-naselila-opustevshuyu-derevnyu-kuklami/