Маладыя людзі сустракаюцца каля года.
Пра выпадак піша БелТА.
Юрый Райляну каля месяца служыць па кантракце ў 111-й гвардзейскай артылерыйскай брыгадзе. Сваё жыццё ён хоча звязаць з вайсковай кар'ерай.
Яго дзяўчыну завуць Дар'я. Маладыя людзі сустракаюцца каля года. «Вырашыў, што пара ствараць сям'ю», — прызнаўся вайсковец. Ён выпадкова даведаўся, што ў Дар'і была мара, каб ёй зрабілі прапанову на прысязе, і таму не стаў адкладаць.
Падчас прысягі Юрый стаў на адно калена і зрабіў прапанову.
Прысягу ў Брэсцкай крэпасці прынялі больш за 750 вайскоўцаў новага папаўнення. Гэта прадстаўнікі Брэсцкай пагранічнай групы, 38-й асобнай гвардзейскай дэсантна-штурмавой брыгады, 111-й гвардзейскай артылерыйскай брыгады, 115-га зенітнага ракетнага палка і 48-га батальёна радыёэлектроннай барацьбы.
Каментары