Слаўны беларускі літаратуразнаўца, перакладчык і мэтр культуры беларускага маўлення Андрэй Каляда памёр 13 кастрычніка ў Мінску, але яго прах быў пахаваны 18 лістапада на Бромптанскіх могілках у Лондане, піша «Новы час».
У брытанскай сталіцы жыве дачка Андрэя Каляды — Наталля Каляда з мужам Мікалаем Халезіным.
Цырымонія развітання адбылася ў могілкавай капліцы. Службу правёў святар Сяргей Стасевіч. Цяпер на вядомых лонданскіх могілках з'явілася новае беларускае месца ўшанавання памяці і наведвання. Апрача магілкі Андрэя Каляды ў Бромптанскім некропалі пахаваныя іншыя славутыя асобы: лідарка брытанскага суфражысцкага руху Эмэлін Панкгерст, пісьменнік і стваральнік слова «фальклор» Уільям Томс, мастак Валянцін Прынсэп, палярны даследчык Эдвард Белчэр, геалагіня Шарлота Мэрчысан і іншыя.
Навуковец і педагог пакінуў важны, просты і такі аптымістычны запавет беларусам, многія з якіх у час беларускага гвалту і вайны зусім побач згубілі арыенціры: «Трэба жыць — рабіць сваё, а не існаваць, не дажываць».
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары