Рэспубліканскае ўнітарнае прадпрыемства «Белюразабеспячэнне» выставіла на аўкцыён адзін з самых старых і прыкметных даўгабудаў сталіцы — недабудаваны шматфункцыянальны комплекс «Магніт Мінска», паведамляе Office Life.
Таргі пройдуць 29 лістапада, пачатковы кошт лота — 9,6 млн рублёў (каля 4 млн даляраў). Падаць заяўку на аўкцыён са сваёй прапановай можна да 16:00 28 лістапада.
«Магніт Мінска» — адзін з самых знакамітых даўгабудаў сталіцы. Яго пачалі планаваць яшчэ ў 2006 годзе, а ўласна будаўніцтва запушчана ў 2009-м.
Будынак на скрыжаванні праспекта Незалежнасці і вуліцы Кірылы Тураўскага першапачаткова будавала іранская кампанія. Комплекс заяўляўся як шматфункцыянальны, у яго складзе павінны былі быць гатэль, офісы, гандлёва-забаўляльная частка. Але будаўніцтва цягам многіх гадоў прасоўвалася вельмі павольна.
У выніку лёс даўгабуда ўзяла ў свае рукі дзяржава. У ліпені Мінгарвыканкам паведамляў, што ў ім збіраюцца пасля дабудавання адкрыць беларускі гандлёвы дом, а «астатнія функцыі комплексу вызначаць з улікам мэтазгоднасці і неабходнасці».
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары