«Флагшток»: Актыўнасць расійскіх войскаў на Гомельшчыне цяпер найменшая за ўсю вайну
Гомельскае выданне «Флагшток» адрэагавала на пашырэнне па ўкраінскіх тэлеграм-каналах інфармацыі пра тое, што новы напад з боку Беларусі на Украіну адбудзецца найбліжэйшым часам (называюцца нават арыенціровачныя даты з 15 па 25 снежня). Паводле «Флагштока», у Гомельскай вобласці ніякіх пацверджанняў гэтаму на цяперашні момант не назіраецца.
Паводле інфармацыі «Флагштока», у апошні месяц актыўнасць расійскіх сіл на тэрыторыі Гомельшчыны была найменшай за ўсе 9 месяцаў вайны. Жыхары рэгіёна назіраюць актыўнасць УС РФ і УС РБ толькі вакол старых аэрадромаў, якія выкарыстоўваюцца як месца размяшчэння сродкаў СПА ў Гомельскім раёне (каля вёскі Зябраўка) і Мазырскім раёне (каля вёскі Вялікі Бокаў).
Выкарыстанне Гомельскага аэрапорта таксама не сведчыць пра павелічэнне ваеннай актыўнасці ў вобласці: па інфармацыі тэлеграм-канала «Беларускі Гаюн», на працягу лістапада ў аэрапорце Гомеля былі прынятыя 3 ваенна-транспартныя самалёты ВКС РФ, таксама былі зафіксаваныя адзінкавыя перамяшчэнні верталёта Мі-8.
Масавага перамяшчэння вайсковай тэхнікі па шашы і чыгунках Гомельскай вобласці цяпер таксама не фіксуецца, сцвярджае «Флагшток».
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?3
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары