У Бярозе звальняюць былога дырэктара, які адмовіўся везці настаўнікаў на лукашэнкаўскі мітынг 16 жніўня 2020 года
Праваабаронцам стала вядома, што ў Бярозе не працягваюць кантракт настаўніку вышэйшай катэгорыі, навукоўцу, «Выдатніку адукацыі», вялікаму аматару беларускай мовы і літаратуры, выкладчыку-метадысту, лектару курсаў перападрыхтоўкі і павышэння кваліфікацыі для настаўнікаў пры Брэсцкім дзяржаўным універсітэце імя Пушкіна Мікалаю Жуковічу.
Ён аўтар школьных падручнікаў па беларускай літаратуры для пачатковых і сярэдніх класаў.
Мікалай Жуковіч 26 гадоў працаваў дырэктарам 1-й школы горада Бяроза, выкладаў беларускую мову і літаратуру, займаўся навуковай дзейнасцю, быў аўтарам метадычных дапаможнікаў для настаўнікаў, арганізоўваў сустрэчы з культурнымі дзеячамі для сваіх вучняў.
Мясцовыя звязваюць скасаванне працоўных адносін з падзеямі жніўня 2020 года. Тады Мікалай Жуковіч адмовіўся ад удзелу ў фальсіфікацыі выбараў, а пасля і наогул адмовіўся везці групу настаўнікаў у Мінск на праўладны мітынг 16 жніўня 2020 года. Пасля гэтага ён быў пазбаўлены пасады дырэктара і заняў пасаду намесніка дырэктара. Па непацверджанай інфармацыі, аддзел адукацыі Бярозаўскага райвыканкама прыняў рашэнне не працягваць кантракт з дасведчаным настаўнікам.
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай14
Каментары
Добры для ўлады (райана) быў, калі па ўсіх мясцовых заводах бегаў і спонсарскія грошы, абсталяванне ці прадукты для сталоўкі прасіў, будынак рамантаваў і тэрыторыю парадкаваў. Аддзячылі. Нічога, сумленны чалавек сабе месца знойдзе.