NYT: Расійскія крылатыя ракеты былі вырабленыя зусім нядаўна, нягледзячы на санкцыі
Некаторыя з крылатых ракет, якія Расія запусціла па цывільнай інфраструктуры Украіны ў канцы лістапада, былі вырабленыя праз некалькі месяцаў пасля таго, як Захад увёў санкцыі, закліканыя пазбавіць Маскву кампанентаў, неабходных для вытворчасці гэтай зброі, піша New York Times.
Да такіх высноў прыйшлі эксперты Conflict Armament Research — незалежнай групы з Вялікабрытаніі, якая ідэнтыфікуе і адсочвае зброю і боепрыпасы, якія выкарыстоўваюцца ў войнах. Незадоўга да лістападаўскага расійскага ракетнага абстрэлу ў Кіеў па запрашэнні ўкраінскіх уладаў прыбыла невялікая група экспертаў.
Яны вывучылі абломкі крылатых ракет Х-101, якія прывялі да маштабных адключэнняў электраэнергіі ва Украіне. Паводле справаздачы групы, апублікаванай у панядзелак, адна з ракет была вырабленая гэтым летам, выраб яшчэ адной завяршыўся пасля верасня, пра што сведчыць маркіроўка на ёй.
Па словах аднаго з экспертаў Conflict Armament Research, той факт, што Расія працягвае вырабляць такія перадавыя кіраваныя ракеты, як Х-101, сведчыць пра тое, што Масква знайшла спосабы набываць паўправаднікі і іншую тэхніку, нягледзячы на санкцыі, ці што ў яе былі значныя запасы кампанентаў да пачатку вайны.
Цяпер чытаюць
«Я яб*н, таму і пайшоў». Малады беларус кінуў цяжарную жонку і паехаў на вайну, пасля здрадзіў ёй дый загінуў4
Каментары