У Дрэздэне мужчына адкрыў страляніну і ўзяў закладнікаў у гандлёвым цэнтры. Паліцыі ўдалося яго затрымаць
У нямецкім Дрэздэне ўзброены мужчына ўзяў закладнікаў у гандлёвым цэнтры ў цэнтры горада. Таблоід Bild сцвярджае, што раніцай у суботу падазраваны застрэліў пажылую жанчыну, пасля чаго адкрыў агонь па офісе мясцовай радыёстанцыі, а затым уварваўся ў гандлёвы цэнтр Altmarktgalerie і забарыкадаваўся ў краме сеткі DM.

У 12:44 па мясцовым часе паліцыя паведаміла аб вырашэнні сітуацыі і вызваленні двух закладнікаў.
Па звестках Bild, паліцэйскія штурмавалі аптэку і затрымалі падазраванага, параніўшы яго. Закладнікі — жанчына і дзіця — не пацярпелі. Звестак пра асобу падазраванага пакуль няма.
Інфармацыя пра забойства пажылой жанчыны афіцыйна не пацверджана. Гандлёвы цэнтр і размешчаны паблізу калядны кірмаш Штрызельмаркт былі зачыненыя з-за здарэння.
-
Эпатажны спявак Oliver Tree і яшчэ пяць чалавек загінулі ў Бразіліі пасля сутыкнення верталётаў
-
Пуцін павіншаваў Трампа з 80‑годдзем і заявіў, што чакае Зяленскага ў Маскве. Крэмль сцвярджае, што прэзідэнт ЗША паабяцаў уздзейнічаць на Кіеў
-
Трамп спяшаецца падпісаць мір з Іранам да свайго 80-годдзя, але Тэгеран не збіраецца рабіць такога падарунка
Каментары