Як стала вядома «Нашай Ніве», лукашэнкаўцы адмовіліся ад практыкі пасадак адказных асоб рытэйлу за «няправільныя» цэннікі. Ахвярамі пасадак «за цэны» па краіне сталі некалькі дзясяткаў чалавек, але сёння нікога з іх у СІЗА ўжо няма.
Пасадкі пачаліся пасля папулісцкага спічу Лукашэнкі аб неабходнасці забароны росту цэн 6 кастрычніка.
Пасля гэтага камісіі чыноўнікаў, якім паступалі скаргі вечных скаржнікаў, ламануліся з праверкамі па гандлёвых сетках, што прывяло да некаторых гучных гісторый.
Чытайце таксама: Пагром у сетцы «Суседзі»: КДК затрымаў амаль усё кіраўніцтва
У цэлым, як паведамляюць «Нашай Ніве» інфармаваныя суразмоўцы, некалькі дзясяткаў чалавек сталі ахвярамі спічу аб цэнах.
Але, як можна меркаваць па цяперашніх падзеях, сітуацыю лукашэнкаўцы «адпусцілі».
«Супакоіліся, праверак няма, паўтара месяцы пабамбілі і забыліся, паказаўшы «жэстачайшэ», — сказаў дырэктар адной з прадуктовых крам.
«Цэны ўсё адно растуць, тут дырэктыўна нічога не спыніць, лукашэнкаўцы сутыкнуліся з рэальнасцю», — дадае іншы.
Афармленне папулісцкага ўказа са словаў Лукашэнкі прывяло да тэктанічных працэсаў у рытэйле — кампаніі імкнуцца пакідаць больш прыбытку ўжо за межамі рэспублікі, што вядзе да неатрымання прыбыткаў самой лукашэнкаўскай сістэмай.
Складваліся таксама парадаксальныя сітуацыі, калі вытворцам было выгадней ствараць фірмы-пракладкі ў самой Беларусі, каб прадаваць уласную ж прадукцыю, бо тады яны маглі скарыстацца двума «дазволенымі» павышэннямі цаны — для вытворцы і для рытэйлера.
Некаторыя дробныя тавары, кшталту мэблевай фурнітуры, проста пачалі знікаць з рынку праз бессэнсоўнасць іх паставак па афіцыйных правілах.
Гэтыя і многія іншыя прыклады і прычыны прывялі да таго, што эмоцыі спалі.
Учора прэс-служба Лукашэнкі паведамляла, што ў краіне з'явіцца новы адміністрацыйны артыкул за «ненапісанне ў таварных дакументах даных, звязаных з фарміраваннем цаны на спажывецкія тавары, або напісанне няпоўнай ці недаставернай інфармацыі», са штрафам да 640 рублёў, а для суб'ектаў гаспадарання — да 10% сумы грашовай ацэнкі гаспадарчай аперацыі, адлюстраванай у паперах.
«Наша Нiва» — бастыён беларушчыны
ПАДТРЫМАЦЬЧытайце таксама:
Што за расчлянёная курыца падсадзіла Лукашэнку на каня?
«Хай тады забароніць інфляцыю яшчэ і за мяжой». Бізнэс кпіць з папулізму Лукашэнкі
«Забараняецца ўсялякі рост цэн». На 29-м годзе кіравання Лукашэнка прыдумаў, як спыніць інфляцыю
Лукашэнка забараніў падымаць цэны. Эканаміст: Спыніць падаражанне тавараў магчыма, але ёсць нюанс
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары