Пра з'яўленне ў шырокім доступе альбома «Дорыць нам Раство» ад гурта «Прадвеснік» паведамляецца на старонцы праекта «Кніжны воз» у фэйсбуку.
«Надвор’е прынесла сумёты снегу, а мы нясём святочны настрой.
А калі ў вас яго яшчэ няма, то самы час выправіцца на пошукі. Мы падрыхтавалі цэлую серыю калядных падарункаў. І гэта не толькі кнігі.
Першы сюрпрыз будзе музычны — альбом «Дорыць нам Раство» ад гурта «Прадвеснік», — анансуецца на старонцы «Кніжнага воза».
«Гэты альбом мы, гурт «Прадвеснік», падрыхтавалі на Раство 2017 года ў якасці падарунка на дзіцячае свята. Сёння тыя дзеці, якія саліравалі ў гэтым альбоме, ужо падлеткі. У іх вельмі памяняліся галасы. Але яны з такой жа шчырасцю працягваюць узносіць спевы падзякі і пашаны Хрысту», — распавядае Алена Сітнік, стваральніца гурта «Прадвеснік».
Музычны альбом «Дорыць нам Раство» можна паслухаць тут.
Каментары