Дарожна-транспартнае здарэнне адбылося 22 чэрвеня каля 13:45 на 13‑м кіламетры аўтадарогі Мінск — Дзяржынск, паблізу аграгарадка Шчомысліца Мінскага раёна, паведамляе ДАІ Мінскай вобласці.
Кіроўца аўтамабіля Hyundai Solaris 1947 года нараджэння рухаўся з боку Мінска па сярэдняй паласе. Пры перастройванні ў крайнюю правую паласу для павароту направа ён не саступіў дарогу і сутыкнуўся з грузавіком МАЗ з паўпрычэпам, які рухаўся ў тым жа напрамку па правай паласе.
У выніку сутыкнення паўпрычэп з цыстэрнай, у якой знаходзілася 26 тон цэменту, перакуліўся на праезную частку.
З-за здарэння на гэтым участку дарогі былі перакрытыя дзве з трох палос руху.
Пасажырка легкавога аўтамабіля, жанчына 1949 года нараджэння, была дастаўленая ў бальніцу для абследавання.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары