Пра атрыманне Расіяй новай партыі іранскіх дронаў украінскі прэзідэнт заявіў у звароце да ўдзельнікаў сустрэчы лідараў Аб'яднаных экспедыцыйных сіл Вялікабрытаніі.
![](http://nnexpictures.fra1.digitaloceanspaces.com/img/w732d4webp1/photos/z_2022_12/photo_2022-12-19_17-02-30-i028n.jpg.webp)
«Гэтай ноччу Украіна зноў была атакаваная іранскімі дронамі. 34 «Шахеды». Я кажу і колькасць, і назву, і цалкам канкрэтна.
Гэта «Шахеды» з новай партыі, якую атрымала Расія ад Ірана. 250 штук — столькі ўсяго «Шахедаў» цяпер атрымана дзяржавай-тэрарыстам», — заявіў украінскі прэзідэнт.
Паводле слоў Зяленскага, расійскія ракеты і іранскія дроны выкарыстоўваюцца пастаянна для ўдараў перш за ўсё па ўкраінскай энергетыцы.
У прыватнасці, нядаўні масіраваны ўдар па Украіне закрануў больш за 20 мільёнаў украінцаў, а гарады-мільённікі і большасць украінскіх рэгіёнаў засталіся абсалютна без электрычнасці.
Каментары