Латвія спыніла за год тысячы спробаў абыходу санкцый супраць Беларусі і Расіі
Больш за 3 тысячы спробаў абыходу санкцый Еўрасаюза супраць Беларусі і Расіі ў сувязі з падзеямі ва Украіне было спынена ў Латвіі ў 2022 годзе. Пра гэта 23 снежня паведаміла Служба дзяржаўных даходаў Латвіі.
«З сакавіка па сярэдзіну снежня мытнае ўпраўленне службы правяло каля 120 тыс. кантрольных праверак дакументацыі і больш за 3,4 тыс. актаў фізічнага кантролю, у выніку якіх было выяўлена і папярэджана больш за 3 тыс. парушэнняў рэжыму санкцый», − гаворыцца ў паведамленні.
Парушэнні датычылі вывазу з ЕЗ або ўвозу ў Латвію тавараў з Расіі і Беларусі, якія санкцыямі забароненыя да экспарту або імпарту. У асноўным гэта былі шматфункцыянальныя станкі, трансфарматары, запчасткі да транспартных сродкаў, турбарэактыўных рухавікоў і розных механізмаў.
Каментары