Яго заменіць вугаль і мясцовае паліва.
На працягу 2010—2011 гадоў удасца карэнным чынам пераламіць сітуацыю са структурай спажывання паліва ў Беларусі. Такую думку выказаў міністр энергетыкі Аляксандр Азярэц 15 кастрычніка ў час справаздачы Аляксандру Лукашэнку.
Так, да 2015 года плануецца знізіць спажыванне газу да 55 працэнтаў, шырэй выкарыстоўваць мясцовыя віды паліва, вугаль. У галіне ідзе актыўная работа па дыверсіфікацыі спажывання паліва: ужо рэалізавана 8 буйных праектаў.
Беларусь на сёння — з еўрапейскіх краінаў самая залежная ад адной крыніцы энерганосьбітаў, Расіі. Доля расійскіх крыніцаў у энэргабалансе дасягала 90%. Гэта стварае сур'ёзную пагрозу нацыянальнай бяспецы і робіць немагчымым правядзенне незалежнай палітыкі.
Каментары