Прадстаўнік УСУ: Ракета, што ўпала ў Беларусі, магла быць і ўкраінскай, але гэта наступства расійскай агрэсіі
Ва Украіне інфармацыю пра падзенне ракеты С-300 на тэрыторыі Беларусі афіцыйна пракаментавалі прадстаўнікі Паветраных сіл УСУ, паведаміў «24 Канал».

Прэс-сакратар Паветраных сіл УСУ Юрый Ігнат заявіў, што верыць рэжыму Лукашэнкі, як і рэжыму Пуціна, не варта.
Прадстаўнік Узброеных сіл Украіны нагадаў, што 29 снежня Расія нанесла масіраваны ракетны ўдар па Украіне. Праца супрацьпаветранай абароны была надзвычай інтэнсіўная. Таму, выказвае меркаванне Юрый Ігнат, нельга цалкам выключыць магчымасць трапляння ракеты на тэрыторыю суседняй краіны. Але гэта адбываецца толькі і выключна як наступства расійскай агрэсіі.
Прадстаўнік УСУ таксама заўважыў, што падзенне ракеты магло быць правакацыяй Расіі. Паветраныя сілы Украіны абяцаюць ужо ў бліжэйшы час апублікаваць інфармацыю пра гэты інцыдэнт.
Каментары
Калі ў полі падае ракета...