Цяпер Google Voice будзе папярэджваць вас пра магчымыя спам-званкі
Google кажа, што выкарыстоўвае «прасунуты штучны інтэлект», каб вызначыць, ці з'яўляецца званок правамерным.
Google абвясціў, што дадае чырвонае папярэджанне «Абанент, які падазраецца ў спаме» да выклікаў Google Voice, калі лічыць, што яны неправамерныя. У сваім паведамленні кампанія заяўляе, што ідэнтыфікуе спам «з дапамогай той жа перадавой сістэмы штучнага інтэлекту», як і з традыцыйным тэлефонным дадаткам для Android.
Калі з'явіцца метка спаму, у вас таксама будзе магчымасць пацвердзіць, што званок быў спамам, — у гэтым выпадку любыя будучыя выклікі з пазначанага нумара будуць адпраўляцца проста на вашу галасавую пошту. Гэтак жа будзе мажлівасць удакладніць, што званок не быў спамавым, — гэта пазбавіць абанента ад чырвонай меткі для будучых званкоў.
У Google Voice многія гады была магчымасць аўтаматычна накіроўваць выклікі, ідэнтыфікаваныя як спам, на галасавую пошту, а таксама правяраць выклікі перад тым, як іх прымаць. Але гэтыя параметры, магчыма, не вельмі пасуюць, калі вы атрымліваеце шмат важных званкоў з невядомых нумароў. Google кажа, што вам трэба будзе ўключыць функцыю фільтрацыі спаму, перайшоўшы ў Налады > Бяспека > Фільтраваць спам (Settings > Security > Filter spam), калі вы хочаце, каб функцыя працавала.
Папярэджанні пра спам будуць даступныя для ўсіх, хто мае ўліковы запіс Google Voice, і, паводле даных кампаніі, вы павінны ўбачыць іх ужо да 13 студзеня.
The Verge паведамляе, што Google дае некаторым карыстальнікам Voice яшчэ больш магчымасцяў для барацьбы са спамам. Так, ёсць некаторыя пашыраныя функцыі для карыстальнікаў тэлефонаў Pixel — у прыватнасці, магчымасць прымусіць Google Assistant кантраляваць званок.
Фільтраванне выклікаў працуе наступным чынам: калі вам тэлефануе чалавек, якога няма ў вашым спісе кантактаў, апроч кнопак для прыняцця ці адхілення выкліку, у вас з’яўляецца дадаткова кнопка «Праверыць выклік» («Screen call»). Калі вы націснеце на яе, абанент атрымае гукавое паведамленне з просьбай сказаць, хто ён і чаму тэлефануе. Расшыфраваны тэкст паведамлення і адказ з'явяцца на вашым экране. Затым вы можаце выбраць, хочаце вы адказваць на выклік ці не. Пакуль такая функцыя існуе толькі для карыстальнікаў смартфонаў Pixel 6 і Pixel 6 Pro, і невядома, ці зробіць кампанія такую флагманскую функцыю для ўсіх тэлефонаў Android бескаштоўнай.
-
Амерыканскія ўлады хочуць выпрабаваць на мяжы нябачны «цеплавы прамень», ад якога чалавеку здаецца, што ён гарыць
-
Нобелеўскі лаўрэат чакае з'яўлення штучнага інтэлекту чалавечага ўзроўню ўжо праз два-тры гады. Што зможа разумная тэхніка?
-
У РНР знайшлі крытычныя дзіркі. Пад пагрозай 70 працэнтаў сайтаў
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім4
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары